Շիրակ աշխարհի մեծերը

 Շիրակի մարզային գրադարանի ընթերցարանում  գրքի շնորհանդես էր:  Գրքի հեղինակը`  ԼԵՌ ՏԻԿՈՐՑԻ  գրական անունով Կարլեն Խաչատրյանն էր:  Հրավիրվածներին ողջունեց   և  գրքի հեղինակին ներկայացրեց գրադարանի տնօրեն Գ. Ամիրյանը «Իմ քաղաքի և նրա հողում ծնվածների նկատմամբ իմ ունեցած սերը ինձ մոտ միտք առաջացրեց գրել այս գիրքը` մատաղ սերունդներին ցույց տալու, թե ինչպիսի  մեծեր ու հանճարներ են ծնվել չորս անուն ունեցող` արվեստի ու արհեստի հիասքանչ քաղաքում» :  Այս խոսքերով իր մտքերը շարադրեց  Լեռ Տիկորցին: Հեղինակն իր «Շիրակ աշխարհի մեծերը»  գրքում,  մանրամասն ներկայացրել է մի քաղաք, որն համարվել և համարվում է  արվեստի ու արհեստի քաղաք, ճանաչված իր առանձնահատուկ սովորույթներով, ադաթներով, հյուրասիրությամբ ու հումորով: Գիրքը` Ալեքսանդրապոլ (այժմ Գյումրի) քաղաքում ծնված  առաջավոր և  ժամանակին ճանաչված  այն անձանց մասին է, որոնք սովորելով եվրոպական ու  Ցարական  Ռուսաստանի բուհերում, իրենց ավանդն են  ներդրել գիտության  տարբեր բնագավառներում դառնալով ճանաչված  ու հռչակավոր  մարդիկ, որոցով էլ ճանաչվել է հայ ազգը: Միջոցառման ավարտին` հեղինակը գրադարանին   նվիրեց   իր գրքերից:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով