Թվային հետք

Շիրակի մարզային գրադարանը, կրթական ծրագրի շրջանակում, հյուրընկալվեց Գյումրու Տնտեսագիտական վարժարանում։

Այցի նպատակն էր վարժարանում անցկացնել մեդիագրագիտությանը նվիրված ուսուցողական դասընթաց՝ «Թվային հետք» թեմայով։

Դասընթացին մասնակցեցին վարժարանի 11-րդ դասարանի աշակերտները /դասղեկ` Ա. Մարդոյան/:

Գրադարանի մեդիակենտրոնի անդամներ Տիգրան Ավետիսյանը և Մարիամ Հովհաննիսյանը աշակերտներին ծանոթացրեցին, թե ինչ է թվային հետքը, ինչպես են մեր գործողությունները համացանցում ձևավորում մեր առցանց կերպարը և ինչ հետևանքներ կարող են ունենալ դրանք ապագայում։

Քննարկվեցին նաև անվտանգ և պատասխանատու համացանցային վարքագծի կարևորությունը, անձնական տվյալների պահպանության հարցերը և սոցիալական մեդիայի ազդեցությունը մեր առօրյայի վրա։

Մեդիագրագիտությունը կարևոր հմտություն է ժամանակակից աշխարհում․ այն սովորեցնում է վերլուծել և գնահատել տեղեկատվությունը, զարգացնել քննադատական մտածողություն, տարբերել իրական լուրը կեղծից, ինչպես նաև պատասխանատու ձևով օգտվել համացանցից և սոցիալական մեդիայից։

Ուսուցողական դասընթացի նպատակն էր աջակցել աշակերտներին դառնալ առավել գիտակից, տեղեկացված և պատասխանատու քաղաքացիներ։