Նոյե

«Սկզբում գիրքը կոչվում էր «Էլիզաբեթ»՝ մեկ այլ հերոսի անունով, բայց ժամանակի ընթացքում Նոյեն եկավ առաջին պլան եւ ստեղծագործությունը անվանեցինք նրա անունով։ Սա Առաջին համաշխարհային պատերազմից մինչեւ մեր օրերի պատմությունն է, Հայոց ցեղասպանության մասին է․ շատ հիշողություններ կան այստեղ։ Պատմությունը թուրքական «Գորշ գայլեր» ռասիստական կազմակերպության գործունեության մասին է, որը մինչ օրս գործում է, եւ հենց դա է, կարծում եմ, պատճառը, որ Թուրքիան գործած ցեղասպանության համար ներողություն խնդրելու պատրաստ չէ։ Այն երիտասարդ ցեղասպանագետի մասին է, որը Մյունխենում ցեղասպանագիտության գիտաժողովին պետք է ներկայացնի իր զեկույցը, այնուհետեւ հիշողություններով տեղափոխվում ենք Արեւմտյան Հայաստան»,-ասաց Ամիրյանը՝ հավելելով, որ նպատակ են ունեցել ոչ թե, պարզապես, գիրք ստեղծել, այլ մի կինոպատմություն, որպեսզի յուրաքանչյուր ընթերցող իր երեւակայությամբ տեսնի այն ֆիլմը, որը ցանկանում են ապագայում նկարահանել։
«Կինոն իմ առաջին մասնագիտությունն է, և եթե ընթերցողը հաստատի, որ, իսկապես, այս ստեղծագործությունը շարժում է իր երեւակայությունը, ես, պարզապես, ուրախ կլինեմ։ Գրքում չկա ավելորդ հուզականություն, զուտ պատկերներ են եւ փաստեր»։
(Արմեն Ամիրյան /style.news.am)
Հայտնում ենք մեր շնորհակալությունը Արմեն Ամիրյանին` իր հեղինակած «Նոյե» կինոպատմություն գրքերը Շիրակի մարզային գրադարանին նվիրելու համար; Գրքի իրադարձությունները տեղի են ունենում Առաջին համաշխարհային պատերազմում մինչև մեր օրերը: Ամիրյանի «Նոյեն» պատմում է հայի մասին և զգոնության կոչ անում ողջ հայությանը: