«Ալվան ծաղիկ» կրթական կենտրոնի ամառային դպրոց
Հերթական ճանաչողական այցով Շիրակի մարզային գրադարանը հյուրընկալել էր «Ալվան ծաղիկ» կրթական կենտրոնի ամառային դպրոցի 17 սաներին (ջոկատավար Աննա Երեմյան): Երեխաները շրջեցին գրադարանի բաժիններով, ընթերցարանում դիտեցին հայկական խրատական, ուսուցողական մուլտֆիլմեր՝ «Կախարդական լավաշը» և «Հնարամիտ գյուղացին»: Դիտումից հետո բացօթյա ընթերցարանում ունկնդրեցին մի քանի հեքիաթներ, վերլուծեցին հեքիաթի հերոսների կերպարները: Օրը շատ հագեցած և հետաքրքիր անցավ ամառային դպրոցի սաների համար: Նրանք խոստացան հաճախակի այցելել և օգտվել գրադարանի հարուստ գրքային հավաքածուներից:
