Մեթոդական աջակցություն
Շիրակի մարզային գրադարանը՝ Կենտրոնական Շիրակ ՏԱԽ ՏԶՀԿ-ի հետ համագործակցությամբ, շարունակում է աջակցել Ախուրյան համայնքի գրադարանների զարգացմանը։
Հոկտեմբերի 3-ին Շիրակի մարզային գրադարանում կազմակերպվեց մասնագիտական սեմինար Ախուրյան համայնքի բոլոր բնակավայրերի գրադարանավարների համար։ Հանդիպման ընթացքում քննարկվեցին գրադարանային հավաքածուների կազմակերպման և հաշվառման, փաստաթղթերի վարման, ընթերցողների սպասարկման և աշխատանքային գործընթացների արդյունավետ կազմակերպման հարցեր։
Առաջիկա հանդիպումների ընթացքում նախատեսվում են նաև գործնական աշխատանքներ և մասնագիտական խորհրդատվություններ։
Հիշեցնենք, որ Կենտրոնական Շիրակ ՏԱԽ ՏԶՀԿ-ի և Ախուրյանի համայնքապետարանի համագործակցությամբ Մարմաշեն, Վահրամաբերդ և Կապս բնակավայրերում ստեղծվել են նոր ձևաչափով «Կալիդասկոպ» գյուղական գրադարանները։
Ծրագիրն իրականացվում է Կենտրոնական Շիրակ ՏԱԽ ՏԶՀԿ-ի կողմից՝ Ախուրյանի համայնքապետարանի աջակցությամբ։
