Երեք գիրք որոնք օգտակար են ոչ միայն տնտեսագետներին
ՈՒԻԼ ԳԻԴԱՐԱ
ԱՆՍՈՎՈՐ ՀՅՈՒՐԸՆԿԱԼՈՒԹՅՈՒՆ
Ուիլ Գիդարան հմտորեն համադրում է հուզիչ պատմություններն ու խորաթափանց դիտարկումները՝ ցույց տալով, թե ինչպես է նպատակային, անսահման հյուրընկալությունը բավարարում պատկանելության մեր հիմնարար կարիքը։ Սա բացառիկ ուղեցույց է յուրաքանչյուր անհատի կամ կազմակերպության համար, որը ձգտում է գերազանցության մարդկային հարաբերություններում։Հյուրընկալության հանդեպ նրա մոտեցումը նորարարական է, վեհանձն և ոչ միայն ռեստորանային ոլորտին հատուկ։ Եթե ցանկանում եք հեղափոխել ձեր բիզնեսը, այս գիրքը ձեզ վստահաբար պետք է
ՀԱՏՎԱԾ ԳՐՔԻՑ
ՎԵՐԱՀՍԿՈՂՈՒԹՅՈՒՆԸ ՉՊԵՏՔ Է ԽԵՂԴԻ ՍՏԵՂԾԱՐԱՐ ՄՏԱԾՈՂՈՒԹՅՈՒՆԸ
Թաբլան Նյու Յորքի ամենադժվար ամրագրվող ռեստորաններից էր, երբ ես հեռացա այնտեղից՝ աշխատանքի անցնելու Restaurant Associates-ում հորս նախկին ընկերությունում, որպես Metlife շենքի ռեստորանների գնում-ների և ֆինանսական վերահսկողության օգնական: Այլ կերպ ասած՝ ես Նյու Յորքի ամենափայլուն ռեստորանային աշխատանքներից մեկի առջևի դռնից տեղափոխվել էի ամենաաննշան աշխատանքներից մեկի նկուղ։
RA-ում գնումների պատասխանատու Քեն Ջասքոթը լրիվ դրույքով աշ-խատող օգնականի կարիք չուներ, և վերահսկիչ Հանի Իչքանը նույնպես: Ուստի ես իմ օրը բաժանում էի նրանց միջև:
Առավոտյան ժամը վեցից մինչև կեսօր ես սովորում էի, թե ինչպես հաշ-վառել պահեստային սառնարանների պարունակությունը, ինչպես ընդունել մատակարարումը, ինչպես հաշվարկել վաճառված ապրանքների արժեքը և ինչպես պատվիրել սնունդ ու անհրաժեշտ պարագաներ:
Ճաշից հետո ես հանում էի խոհարարական համազգեստս, հագ-նում բաճկոն ու փողկապ և սկսում աշխատել թվերի հետ վերևի հարկում գտնվող հաշվապահության բաժնում:
Դժվար է չափազանցնել այն կարևորությունը, որ ես միաժամանակ կա-տարում էի երկու աշխատանք: Սննդի և խմիչքների ծախսերը կազմում են ռեստորանի յուրաքանչյուր վաստակած դոլարի միջինում երեսուն ցենտը, և սառնարան մտնող մթերքների մեծ մասը հազիվ թե պահպանվի մի քանի օրից ավելի:
Ծովային ոստրեներն ինձ համար պարզապես վերացական շքեղ տողա-տակ կամ էքսելի վանդակ չէին՝ դրանք այն թանկարժեք, անտաշ փոքրիկ քարերն էին, որոնք ես հաշվել էի սեփական ձեռքերով նույն օրվա ընթաց քում, փաթաթել սառույցի մեջ և զգուշորեն դասավորել ձկնային արկղում:
Վերևի հարկում Հանին պահանջում էր, որ ես ամեն օր վարչական զե-կույցներ կազմեմ գործունեության բոլոր ոլորտների վերաբերյալ՝ կրեդիտո րական պարտքեր, դեբիտորական պարտքեր, աշխատավարձային ֆոնդ, սննդի ծախսեր և պաշարների հաշվառում:
ՔՈԹԼԵՐ ՖԻԼԻՊ
ՄԱՐՔԵԹԻՆԳԻ ՏԱՍԸ ՄԱՀԱՑՈՒ ՄԵՂՔԵՐԸ:
Ազդանշաններ և լուծումներ
Ֆիլիպ Քոթլեր ամերիկացի մարքեթոլոգ, մարքեթինգի պրոֆեսոր եւ խորհրդատու, ավելի քան 55 մարքեթինգային գրքերի հեղինակ:
«Մարքեթինգի տասը մահացու մեղքերը» գիրքը տարբեր խորհրդատվական ընկերությունների եւ մասնավոր հաճախորդների հետ աշխատելու տարիների փորձառության արդյունք է: Գրքում հեղինակն անդրադարձել է մարքեթինգում հանդիպող հիմնական թերություններին եւ թվարկել դրա տասը մահացու մեղքերը, թույլ կողմերը իրենց կիրառման տեսանկյունից: Նկարագրել է յուրաքանչյուր մեղքի հիմնա կան ազդանշանները եւ առաջարկել լուծումներ:
Իսկ ահա այդ լուծումների կիրառումը տասը մեղքերը կվերածի տասը պատվիրանների՝ մարքեթինգում արդյունավետության եւ եկամտաբերության հասնելու համար…
ՀԱՏՎԱԾ ԳՐՔԻՑ
ՁԵՐ ԱՇԽԱՏԱԿԻՑՆԵՐԸ ԳՈՀ ՉԵՆ
Կառավարման «գուրու» և «Կատարելություն որո-նելիս» (In Search of Excellence) գրքի համահեղինակ Թոմ Փիթերսը պնդում է, որ կարող է մտնել ցանկացած ընկերություն և 15 րոպեում պարզել՝ արդյոք աշխա-տակիցները գոհ են, թե՞ դժգոհ: Դժգոհ աշխատակիցը կարող է սաբոտաժի ենթարկել ընկերությունը։ Անձ-նակազմի հոսունությունը, որևէ քաղաքականության վարման հաճախակի ձախողումը, խիստ մասնատվա-ծությունը և ընկերության այլ բաժինների նկատմամբ բացասական տեսակետները վկայում են դժգոհ աշխա-տակիցների մասին:
ԴՈՒՔ ՈՒՆԵՔ ՄԻՋԱԿ ՄԱՏԱԿԱՐԱՐՆԵՐ
Մատակարարները մեծապես տարբերվում են որակ-յալ ապրանքներ և ծառայություններ մատուցելու իրենց կարողությամբ: Բարձրորակ ապրանքներ արտադրող ընկերություններին անհրաժեշտ են բարձրակարգ մա տակարարներ: Բայց բարձրակարգ մատակարարներն արդեն կարող են խիստ ծանրաբեռնված լինել և չկա րողանալ սպասարկել մեկ այլ պատվիրատուի կամ կա րող են սահմանափակվել յուրաքանչյուր ոլորտում մի այն մեկ մրցակցի սպասարկմամբ: Ձեր ընկերությունն ստիպված կլինի վարձել երկրորդ լավագույն մատակա րարին, բայց դա կարող է չապահովել բարձրակարգ որակ:
Ձեր ընկերությունը կարող է ընտրել աշխատել երկ րորդ կարգի մատակարարների հետ` նվազեցնելով գնման ծախսերը: Բայց դուք, հավանաբար, ֆինանսա-կան վնասներ կկրեք՝ երկրորդ կարգի մատակարարի հետ գործ ունենալիս:
ՁԵՐ ԴԻՍՏՐԻԲՅՈՒՏՈՐՆԵՐԸ ՉԵՆ ԱՐԴԱՐԱՑՆՈՒՄ ՁԵՐ ՍՊԱՍԵԼԻՔՆԵՐԸ
Ձեր ընկերությունը վարձում է դիստրիբյուտորների և դիլերների, քանի որ նրանք ձեզանից ավելի լավ կա-րող են կապ հաստատել ձեր թիրախային հաճախորդ-ների հետ: Դուք ակնկալում եք, որ նրանք առաջնահերթ ուշադրություն կդարձնեն ձեր արտադրանքին, նույ նիսկ երբ վաճառում են մրցակիցների արտադրանքը։ Հետևաբար, պետք է շահավետ պայմաններ առաջար-կեք ձեր դիստրիբյուտորներին: Նրանք պետք է զգան, որ վաճառելով ձեր ընկերության արտադրանքը՝ նույն-քան կամ ավելի շատ կվաստակեն, քան եթե վաճառեն ձեր մրցակիցների արտադրանքը:
ՋԻՄ ՔՈԼԻՆԶ
ԼԱՎԻՑ ԴԵՊԻ ԼԱՎԱԳՈՒՅՆԸ
«Լավից դեպի լավագույնը» գիրքը ժամանակակից կառավարման և բիզնես ռազմավարության ամենահեղինակավոր ուսումնասիրություններից է։ Հեղինակը ներկայացնում է 5 տարվա հետազոտական աշխատանք, որի ընթացքում ուսումնասիրվել են հարյուրավոր ընկերություններ՝ հայտնաբերելու այն չափանիշները, որոնք սովորական, միջին արդյունքներ ունեցող կազմակերպություններին դարձնում են աննախադեպ հաջողակ։
Գրքի առանցքային գաղափարն այն է, որ «լավը» հաճախ դառնում է «լավագույնի» ամենամեծ թշնամին։ Կոլինզը բացատրում է, որ մեծ փոփոխությունները չեն սկսվում հեղափոխական քայլերով, այլ հետևողական, ճիշտ ուղղված փոքր որոշումներով․ հստակ թիմային աշխատանք, պատասխանատվության մշակույթ, առաջնորդություն, որը համադրում է խոնարհությունն ու վճռականությունը, և կազմակերպության իրական ուժեղ կողմերի խորքային ճանաչում։
Գիրքը ներկայացնում է նաև հայտնի մոդելներ՝
• Հեջհոգի բնութագրում,
• Հինգերորդ մակարդակի առաջնորդություն,
• Շարժիչ անիվի էֆեկտ,
• և Դրական կարգապահության սկզբունքներ։
«Լավից դեպի լավագույնը» նախատեսված է ոչ միայն ղեկավարների, այլև այն մարդկանց համար, ովքեր ցանկանում են հասնել կայուն աճի՝ անհատապես կամ թիմային միջավայրում։ Գիրքը համարվում է գործնական և գիտական հիմք ունեցող ուղեցույց, որը չի սահմանափակվում բիզնեսով․ այն վերաբերում է արդյունավետության ու զարգանալու ցանկություն ունեցող ցանկացած ոլորտին։
• Հրատարակվել է 2001 թվականին և երկար ժամանակ մնացել է բիզնես գրքերի բեսթսելերների ցուցակներում։
• Վաճառվել է ավելի քան 4 միլիոն օրինակով։
• Հեղինակը հետազոտությունը հիմնել է 28 հաջողակ ընկերությունների տվյալների վերլուծության վրա։
• Գիրքը լայնորեն օգտագործվում է կառավարման դասընթացներում և MBA ծրագրերում։
ՀԱՏՎԱԾ ԳՐՔԻՑ
ԼԱՎԸ ԹՇՆԱՄԻ Է ԼԱՎԱԳՈՒՅՆԻՆ
Չբավարարված հետաքրքրասիրությունն է միայն, որ այդ-
քան դժվարացնում է մահը:
Բերիլ Մարկհեմ, Արևմուտք գիշերով
Լավը թշնամի է լավագույնին:
Ահա սա է հիմնական պատճառներից մեկը, թե ինչու է մեր ունեցածի շատ քիչ մասը դառնում լավագույն
Լավագույն դպրոցներ չունենք հիմնականում այն պատճառով, քանի որ ունենք լավ դպրոցներ, լավագույն կառավարություն չունենք հիմնա-կանում այն պատճառով, քանի որ ունենք լավ կառավարություն: Քչերն են ապրում լավագույն կյանքով, քանի որ շատ հեշտ է ընդամենը լավ ապրել: Ընկերությունների ճնշող մեծամասնությունը երբեք չի դառնում լավագույն հենց այն պատճառով, որ դրանց ճնշող մեծամասնությունը դառնում է ընդամենը լավ ընկերություն, և սա է նրանց հիմնական խնդիրը:
Սա ինձ համար ակնհայտ դարձավ 1996 թ., երբ ճաշում էի մի խումբ մասնագետների հետ, որոնք զբաղվում էին կառավարման հարցերով և հավաքվել էին՝ քննարկելու ընկերությունների գործունեության գնահատ-ման մեթոդները: McKinsey & Company-ի Սան Ֆրանցիսկոյի գրասենյակի ղեկավար Բիլ Միհանը թեքվեց և շշուկով ասաց. «Գիտե՞ս, Ջիմ, McKinsey-ում բոլորը սիրում են քո «Հավերժ մնայուն» գիրքը: Համահեղինակի հետ միա-սին հրաշալի աշխատանք եք կատարել, բայց, ցավոք, միանգամայն անօգուտ»:
