Աղասի Այվազյան-95
Շիրակի մարզային գրադարանում սեպտեմբերի 11-ին, ժամը 14:00-ին ներկայացվեց Աղասի Այվազյանի «Կիրակոսը» պատմվածքի բեմականացումը: Բեմադրությունն անցավ գրադարանի բակում` պաշտպանելով հակահամաճարակային կանոնները: Արձագանքելով հայտարարությանը` գրադարան էին շտապել արվեստի բաժնի մեր ակտիվ ընթերցողները:
…Ապրելու պաշտպանիչ հնարը` մարդկանց հոգեկան մտերմությունը, միասնությունն է: Բոլոր չարագործները արժանի են ոչ թե ատելության, այլ խղճահարության: Որովհետև նրանք իրենց ոճրագործություններով սպանել են իրենց միջի Կիրակոսին` մարդկայինը:
Ահա և այս հայեցողական բարության պարզունակ եզրահանգումով ավարտվեց ԵԹԿՊԻ Գյումրու մասնաճյուղի դերասանառեժիսորական բաժնի չորրորդ կուրսի ուսանողների (ղեկավար` Հասմիկ Վիրաբյան) հրաշալի բեմադրությունը:
