Գիրք նվիրելու օր

Ամենայն հայոց բանաստեղծ Հովհաննես Թումանյանի ծննդյան 150-ամյակին նվիրված եռօրյան Շիրակի մարզային գրադարանում անցավ հագեցած, միմյանց չկրկնող միջոցառումներով:
Մինչ այդ գրադարանի մանկապատանեկան բաժնում, ամենափոքրիկ ընթերցողների համար բացվել էր սիրված բանաստեղծին նվիրված թեմատիկ ցուցափեղկ, ուր ներկայացված էին նրա հեքիաթների, բանաստեղծությունների նոր, գունագեղ հրատարակություններ, ինչպես նաև կեսագրական որոշ տեղեկություններ:Նույնանուն ցուցահանդեսներ կազմակերպվել էին նաև սպասարկման և արվեստի բաժինների կողմից:
Թումանյանի հարուստ գրական ժառանգությունից մի պատառիկ բնակչությանը ներկայացնելու համար գրադարանի մեթոդական բաժնում նախապատրաստվել էին 150 էջանշաններ գրողի դիմանկարով և քառյակների տեքստերով, որոնք տրամադրվել էին սպասարկող բոլոր բաժիններին և տրվում էին այդ օրերին գրադարան այցելողներին :
Փետրվարի 18-ին, բանաստեղծի հոբելյանին և Գիրք նվիրելու օրվան նվիրված, գրադարանի Վերնահարկում տեղի ունեցավ ինտերակտիվ հանդիպում ՀԳՄ Շիրակի բաժանմունքի գրողների հետ Գյումրու թ.1և թ.6 դպրոցների բարձր դասարանցիների մասնակցությամբ: Դպրոցականները հարցեր ուղղեցին գրողներին / Ա.Կարապետյան, Լ.Աղաջանյան,Գ.Սարոյան,Ա.Մխիթարյան,Ս.Մարգարյան/ կարծիքներ հայտնեցին նրանց ստեղծագործությունների մասին, լսեցին նրանց մեկնաբանությունները, ընթերցումները :
Հանդիպումը եզրափակեցին դպրոցականները` Հովհ.Թումանյանի բանաստեղծությունների իրենց գեղեցիկ ասմունքով: Գրողների և գրադարանի կողմից կատարվեց գրքերի փոխադարձ նվիրատվություն:

 

 

 

  

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով