Հանդիպում media.am կայքի խմբագիր՝ Գեղամ Վարդանյանի հետ
Շիրակի մարզային գրադարանում տեղի ունեցավ հանդիպում Երևանի Մեդիա նախաձեռնությունների կենտրոնի media.am կայքի խմբագիր Գեղամ Վարդանյանի հետ, որի նպատակն էր բարձրացնել համայնքի մեդիագրագիտության մակարդակը և ներկայացնել ապատեղեկատվության դեմ պայքարի արդյունավետ գործիքներ։
Գրադարանները, որպես համայնքային կրթական, մշակութային և տեղեկատվական կենտրոններ, ապահովում են բազմաբնույթ ու չգրաքննվող տեղեկատվության հասանելիություն` դարձնելով դրանք վստահելի հարթակ։
Հանդիպման ընթացքում ներկայացվեցին մեդիագրագիտության ներածությունը, թվային անվտանգության կիրառական կանոնները, սոցիալական մեդիայի ազդեցությունը, քննարկվեցին մեդիագրագիտության հիմնական հարցերը և այն, թե ինչ անել որպես մեդիա սպառող և ակտիվ քաղաքացի:
Հանդիպման ընթացքում ներկա գրադարանավարները հնարավորություն ունեցան նաև ստանալու իրենց հուզող հարցերի պատասխանները:
